Thursday, September 15, 2005

حـصــــار الــزواحـــــف

حلمت حلم غريب.

طالع من بيتنا من الباب الخلفي ورايح حق سيارتي ، وأجد سيارة جدي واقفة عند الباب وضب قاعد على الكبّوت! ألتفت حوالي وأشوف أكثر من بريعصي على باب البيت نفسه.


استاحشت ، فقررت أني أطلع من الباب الأمامي وألف حوالين البيت عشان أوصل حق سيارتي ، وانا ماشي في الحوش لاحظت إني ماسك بيدي حيّة مرنقطة بس بلاستيك مو صجية!

كملت مشيي في الحوش والا أشوف بريعصي رابي ، كرشه شكبره ، على طوفة البيت ، يوم قربت حواليه قام يركض صعوداً على الطوفة ، فجأة وبقدرة قادر انفجر البريعصي! وطاح على الأرض بالأقساط ، وكل قطعة منه تلبط!

كملت إلى الباب الأمامي ، وتوني باطلع وإلا أشوف Komodo Dragon مرتز عند الباب! تصروعت ورديت دشيت البيت.

قعدت من النوم أند آي واز لايك ... وات ذا هل!!

أي تفسيرات؟ والا أتصل على النهام؟

5 comments:

شرقاوي said...

اللهم ياكافي...بس لو تقولنا شنو عشاك الليلة التي سبقت الحلم...

إن شاء الله خير...والله يسكن الزواحف بمساكنها...

بس وأنا أخوك، البريعصي والضب من بيئتنا، وما نحب ندعي عليهم بالشر...

شرقاوي said...
This comment has been removed by a blog administrator.
Shurouq said...

ما تاكلش لا سمك ولا بيض

Jandeef said...

Shopa .. I do =(

شرقاوي ... والله مو متعشي ، طايح له غرَيْبة وماي .. بشّة مو جنديف

مزيانه .. أهلا بك يا عزيزتي في مدونتي

لن أهتم ، هذا اللي ناقص بعد!

شروق .. ذكريني من القائل؟ نبوية؟ والا عادل إمام؟

ArtFiNaLe said...

Beyeek 1,000,000 kd! Enshallah khair! :P
Off topic,
PLEASE! No brai39y's!! I'm a Brai39aPhobic! You have no clue how many times i went like Errrghhhh! kel ma garait el name!